Hormonlar, qan vasitəsilə hərəkət edərək iştahanıza nəzarət etməyə kömək edən kimyəvi daşıyıcılardır. Onların təsir mexanizmini anlamaqla biz çəkinin tənzimlənməsinin fiziologiyasını aydınlaşdıra bilərik.
Elm sübut edib ki, piylənmənin bir çox səbəbləri var və onların bəziləri piylənmə ilə yaşayan şəxsin məlumatından və ya nəzarətindən kənar baş verir.
Arıqlamaq üçün daha az yeməli və daha çox hərəkət etməlisiniz. Lakin bizim qida seçimimizin və fiziki aktivliyimizin bir çox aspektləri bizim iradəmizdən kənar olan mürəkkəb fizioloji sistemlərlə idarə olunur.
Gözlərimizin rəngi ilə doğulduğumuz kimi, kökəlməyə meylliliklə də doğula bilərik.
Bir çox ekspert piylənməni xəstəlik kimi qəbul edir. Bu, bəziləri üçün təəccüb, digərləri isə rahatlıq hissi doğurdu, xüsusilə piylənmədən əziyyət çəkənlər üçün.
Özünü daha yaxşı hiss etmək üçün yeyilən yemək emosional yemək adlanır və buna görə də bəzən pəhriz məsləhətlərindən çox psixoloji dəstəyə ehtiyyac duyuruq.
Uzun müddət özünü stresli hiss etmək bizim iştahımızı dəyişə bilər. Bu, bizdə piylənmənin inkişafı riskini daha da artıra bilər.
Yaşadığımız mühit və qəbul etdiyimiz qida zamanla əsaslı şəkildə dəyişib. Lakin fiziologiyamızda demək olar ki, heç bir dəyişiklik baş verməyib.
Yuxu saatlarının azalması hormonlarımızın balansını dəyişə bilər. Bu, daha çox qida qəbuluna və kökəlməyimizə səbəb ola bilər.
